ਡੇਰਾ ਬੱਸੀ /ਸੰਜੀਵ ਸਿੰਘ ਸੈਣੀ
ਭਾਰਤ ਵਿਕਾਸ ਪ੍ਰੀਸ਼ਦ ਵਿਵੇਕਾਨੰਦ ਡੇਰਾਬੱਸੀ, ਰੋਟਰੀ ਕਲੱਬ ਚੰਡੀਗੜ੍ਹ ਅਤੇ ਹੀਲਿੰਗ ਸੁਪਰ ਸਪੈਸ਼ਲਿਟੀ ਹਸਪਤਾਲ ਦੇ ਸਹਿਯੋਗ ਨਾਲ ਮ੍ਰਿਤਕ ਨੀਤੀ ਰਾਜਨ ਦੀ ਯਾਦਗਾਰ ਵਿੱਚ ਡੇਰਾਬੱਸੀ ਏਟੀਐਸ ਗੋਲਫ ਮੀਡੋਜ਼ ਲਾਈਫਸਟਾਈਲ ਸੋਸਾਇਟੀ ਵਿਖੇ ਮ੍ਰਿਤਕ ਡਾਕਟਰ ਦੇ ਪਿਤਾ ਹਰਪਾਲ ਸਿੰਘ ਰਿਆੜ ਪਰਿਵਾਰ ਵੱਲੋਂ ਇੱਕ ਖੂਨਦਾਨ ਕੈਂਪ ਦਾ ਆਯੋਜਨ ਕੀਤਾ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਭਵਿੱਪ ਦੇ ਪ੍ਰਧਾਨ ਬਰਖਾਰਾਮ ਅਤੇ ਜਨਰਲ ਸਕੱਤਰ ਉਪੇਸ਼ ਬਾਂਸਲ ਨੇ ਦੱਸਿਆ ਕਿ ਪਿਛਲੇ ਸਾਲ ਡੇਰਾਬੱਸੀ ਨਿਵਾਸੀ ਡਾਕਟਰ ਨੀਤੀ ਰਾਜਨ ਸਿੰਘ ਰਿਆੜ ਦੀ ਇੱਕ ਸੜਕ ਹਾਦਸੇ ਵਿੱਚ ਮੌਤ ਹੋ ਗਈ ਸੀ। ਅੱਜ ਉਨ੍ਹਾਂ ਦੇ ਪਰਿਵਾਰ ਨੇ ਨੀਤੀ ਰਾਜਨ ਦੇ ਜਨਮਦਿਨ ਦੇ ਮੌਕੇ ‘ਤੇ ਇੱਕ ਖੂਨਦਾਨ ਕੈਂਪ ਦਾ ਆਯੋਜਨ ਕੀਤਾ, ਜਿਸ ਵਿੱਚ ਰੋਟਰੀ ਬਲੱਡ ਬੈਂਕ ਸੋਸਾਇਟੀ, ਚੰਡੀਗੜ੍ਹ ਦੇ ਡਾ. ਮਨੀਸ਼ ਰਾਏ ਦੀ ਅਗਵਾਈ ਹੇਠ ਟੀਮ ਨੇ ਕੁੱਲ 59 ਦਾਨੀਆਂ ਤੋਂ ਖੂਨਦਾਨ ਕਰਵਾਇਆ, ਜਿਨ੍ਹਾਂ ਵਿੱਚ ਸਮਾਜ ਸੇਵਕ ਰਵਿੰਦਰ ਵੈਸ਼ਨਵ ਵੀ ਸ਼ਾਮਲ ਹਨ, ਜੋ 58 ਵਾਰ ਖੂਨਦਾਨ ਕਰ ਚੁੱਕੇ ਹਨ। ਇਸ ਮੌਕੇ ਸੀ.ਐਮ.ਓ ਡਾ.ਧਰਮਿੰਦਰ ਸਿੰਘ, ਸੋਮਨਾਥ ਸ਼ਰਮਾ, ਦਿਨੇਸ਼ ਵੈਸ਼ਨਵ, ਦੀਪਾਂਸ਼ੂ ਜੈਨ, ਸਾਹਿਲ ਜੈਨ, ਅਰਵਿੰਦ ਕੁਮਾਰ, ਸਾਧਨਾ ਸੈਂਗਰ, ਅਵਿਨਾਸ਼ ਤਿਆਗੀ, ਪ੍ਰਮੋਦ ਜੈਨ ਆਦਿ ਵੀ ਹਾਜ਼ਰ ਸਨ |
